Description

Beibel Koriente ta nifiká Beibel na Papiamentu di awor. Beibel na Papiamentu koriente a keda publiká na 1997 komo ku tabatin i ainda tin un nesesidat grandi pa material den e idioma krioyo aki ku lo yuda e pueblo enbolbí mihó ku Beibel. Na e tempu aki, el a establesé su mes komo e Beibel di preferensia pa mayoria di iglesianan Papiamentu den nan liturgia, programanan di uso di Beibel i evangelisashon. E tradukshon a tuma lugá durante un periodo di 12 aña. Na 2014 nos a konkluí e tradukshon i revishon di e anotashonnan.