Description

MI MES BEIBEL ta un buki original i outéntiko. E ta kontené mas ku 150 historia bíbliko i teksto klave for di Beibel. E ta ideal pa e muchanan ku ya por lesa i e ta skibí na un idioma simpel i ademas ta kontené ilustrashon ku ta tene kuenta ku nan edat.

Loke ta hasi e publikashon aki úniko ta, ku e muchanan por traha nan propio Beibel. E dibuhonan ta indiká un kara, paisahe, persona i símbolo ku ta aparesé den e historianan. E muchanan ta liber pa usa nan propio abilidatnan kreativo pa siqui traha ku e dibuhonan: no tin limitashon ora nan ta hasi uso di nan imaginashon!

Por usa klurpotlot, steft, krèyòn, papel di koló, material pa obra di man i dibuho for di korant, revista, etc. E produkto final lo ta pa kada mucha un Beibel úniko, esta outéntiko i original. Sea na kas of na kualke otro lugá, e mucha so of ku ayudo di mayor i amiguitunan, den lès di Beibel i skol dominikal, e Beibel aki ta laga e historianan biba pa e muchanan.

Aki sa sigui un rekomen-dashon masha importante pa dosente, mayor i guia.

Pa e mucha por traha su propio Beibel na e manera mas efektivo, ta konsehabel pa sigui e siguiente método:

promé ku e mucha mes kuminsá lesa un historia, lesa pa of lesa huntu ku e mucha e historia korespondiente den e buki ku ilustrashon masha bunita HISTORIANAN FOR DI BEIBEL. Si e historia no ta den e buki ei, por les’é for di BEIBEL NA PAPIAMENTU KORIENTE. Despues laga e mucha mes konta e historia, dun’é informashon relevante, splik’é loke e no ta kompronde i kontestá su eventual preguntanan. Despues ta lag’é usa su kreatividat.