Kas Di Beibel Kòrsou

“Nos ke pa nos yu nan konosé Beibel” ta algu ku konstantemente pastor I lidernan Kristian ta tende di mayornan ku tin mucha na kas. Ku e buki “Ban lesa Beibel huntu den 100 stap.” nos ke ofresé mayornan den Karibe hulandes e oportunidat pa ta un famia ku ta lesa Beibel huntu. Ta importante pa mayornan ta konsiente ku nan ta e factor ku tin mas influensia riba nan yunan su kresementu spiritual. Nos ke pa nan eksperensia ku via di e Beibel Dios ta usa famia nan komo un ehèmpel pa konta un historia di amor, pordon, rekonsiliashon I sanashon.

Beibel ta e historia di e famia di Dios I awor 10.000 famia den Karibe Hulandes tin e oportunidat pa ta parti di e kontinuashon di Dios su historia.

E propósito di “Ban lesa beibel huntu den 100 stap.” ta pa por:

– Distribuí 10.00 beibel na Aruba, Boneiru i Kòrsou
– Invitá famianan pa partisipá den e desafio/reto aki 
– Eksplorá kon Sosiedat di Beibel por yuda famianan trese e palabra di Dios na nos yunan na un edat mas trempan posibel.

E proyekto aki lo benefisiá kas nan di famia ku ta konsistí di mayornan ku tin yu den e edat di 8 pa 12 aña. E instrukshonnan di Dios na mayornan ta hopi kla, nos komo mayor mester introdusí e palabra di Dios na nos yunan.

“Siña un mucha fo’i chikitu pa e sigui e bon kaminda, ya ora e bira mas grandi, e n’ ta kita fo’i dje.”
Proverbionan 22:6